Voninahitra ho ahy, Saraha Georget Rabeharisoa, Filohan’ny antoko HASIN’I MADAGASIKARA (Parti Vert de Madagascar) sy ny mpikambana ao amin’ny Birao Politika izay efa mijoro ny mampahafantatra anao fa nitsangana ara-dalàna eto amin’ny tanin’ny Repoblikan’i Madagasikara ny antoko politika vaovao mitondra ny anarana hoe HASIN’I MADAGASIKARA.
Ny laharam-pahamehan’ny antoko dia ny fametrahana ny Malagasy ho ivon’ny fampandrosoana ao anatin’ny fanajana ny tontolo iainany.
Ny foto-kevi-dehibe ijoroany dia ireto avy :

• 1. Ny fizarana tany maimaimpoana ho an’ny Malagasy tsirairay satria fiharian-karena ny tany ary zon’ny tsirairay ny ahazo ny harena ao an-kibon’io taniny io mba ahafahany mivelatra sy ho sambatra
• 2. Ny fiarovana manokana “ny rano” rehetra eto Madagasikara satria fototr’aina ho an’ny taranaka faramandimby ny ranontsika.
• 3. Ny tsy fanekena ho tetik’asa Fampandrosoana ny asa miteraka fanimbana ny Tontolo iainantsika
• 4. Ny fampandrosoana atao dia tsy maintsy manome hasina ny fahendrena sy fomba maha-Malagasy
• 5. Ny fanomezana lanja ny fanabeazana maha-olom-pirenena ny tsirairay eto amin’ny Firenena
• 6. Ny fiarovana ny zon’ny vitsy an’isa, ny tsy fanavakavahana, ny fitoviana eo anatrehan’ny lalàna, ny tsy fampiasan-kery mamono ny aina

Noho izany, raha toa ianao mahatsapa fa mifanandrify amin’ny filanao sy ny fanirianao amin’ny maha- Malagasy anao ireo vato fehizoro iorenan’ny antoko ireo, dia manasa anao izahay hanantevin-daharana ny antoko. Fomba roa no azonao hanatanterahana izany:

Raha tapa-kevitra ny hilatsaka ho mpikambana (membre) amin’ny antoko HASIN’I MADAGASIKARA dia mameno ireo banga eo ambany.

Misaotra betsaka anao amin’ny fanapahan-kevitrao matotra.

Izaho izay manao sonia eto ambany dia maneho etoana ny filatsahako ho MPIKAMBANA ao anatin’ny antoko Hasin’i Madagasikara.